«Ракетадан айга кадәр»: уен программасы (0+)

12 апрель, Космонавтика көнендә, мәгълүмати-китапханә үзәге мәктәпкәчә яшьтәге балалар өчен «Ракетадан айга кадәр» дигән бәйге-уен программасы үткәрде.

Балалар китапханәче белән берлектә тылсымлы космос дөньясына кереп чумды, аны үзләштерү тарихы белән танышты. Шулай ук беренче космонавт Ю.А.Гагаринның тормыш юлыннан кызыклы һәм яңа фактларны һәм беренче космос геройлары – кеше өчен космоска юл салган Белка һәм Стрелка кушаматлы этләр турында белде.
Чара барышында балалар космик табышмаклар чиште, бик теләп «Ракетаны төзе», «Айга очыш», «Йолдызлар букетын җый» һәм «Авырлыксызлык» бәйгеләрендә катнашты. Нәни китап сөючеләр барлык сынауларны да намус белән үтте. 
Космос, йолдызлар һәм планеталар турында китапларны карадылар. Чара файдалы һәм кызыклы үтте. 

#Поехали! #Мечтыокосмосе #ДеньКосмонавтики